FBI File
子怡打手唱衰冰冰
2012年06月06日最近有傳章子怡跟內地官員關係密切，仲話 𠵱家中央政府查緊佢，搞到佢出唔到國，傳到似層層，搞到章子怡上週四要漏夜開記招拍枱澄清是非，仲話會追究到底。
FBI打過去報道章子怡捲入薄熙來案、位於美國嘅博訊新聞網總部了解，發言人以唔清楚為由，唔回應。今次章子怡唔只扯火申寃，最近佢個編劇老友畢成功亦幫手反擊，喺微博暗示幕後主謀疑似係範冰冰，仲大爆有人踩人成癮，個朵臭曬。 FBI收到風，仲有傳其他女星好似李冰冰、陳思思、黃奕同楊冪都疑似黐高官搵著數。
FBI曾致電多位涉嫌女星求證，但至截稿前都未有回覆，只得楊冪經理人 Cici肯答：「入行這麼久，從未聽過中間人打來的電話，我相信因為楊冪的爸爸是警察，所以沒有人會有膽子找她。因為這件事情是假的，我相信對一眾女星沒有影響，我很高興章子怡出來求清白，是一件很勇敢的事。」
