ESET Smart Security 5, ESET NOD32 Antivirus
自從同陳豪公開戀情之後，陳茵媺真係一帆風順，唔覺唔覺又擔正女一拍新劇《情越海岸線》，呢排日日 喺長洲同黃浩然趕戲。
雖然天氣又悶又熱，但出名甜姐兒 嘅陳茵媺，無論對住劇組人員定街坊都笑容滿面，著住件半透視 T恤內襯吊帶泳衣，成班街坊圍住要合照，陳茵媺都冇 say no，唔 冧就假啦！一埋位，陳茵媺即刻好專業，有一場戲講陳茵媺 喺碼頭搵 嘢，仲要跪喺 黃浩然對面係咁搵，搵到身水身汗，所以 FBI幾時都話，做藝員搵嘅都係辛苦錢。
上週五（ 1日）茵媺又去長洲拍戲，嗰日天氣依然熱到爆炸，茵媺就換咗件更加涼快嘅吊帶裙開工。
大熱天時，另一場茵媺著住背心，再跪喺 黃浩然面前扮搵嘢。咦，茵媺𠌥到咁低，唔怪得 黃浩然眼都唔眨啦！
